Assi: Peter Vest

Sungiusaasup soraarsitaanera aalassaataasoq nunarsuaq tamakkerlugu allaaserineqartoq

Nunanut allanut unammisartut sungiusaasuata Tekle Ghebrelulip GBU-mit soraarsitaanera nunani Taiwanimi, Nepalimi Tuluillu Nunaanni tusagassiuutinit maluginiarneqarluni allaaserineqarpoq.

Timersoqatigiiffimmi nunanullu allanut unammisartunut sungiusaasoq ilisarisimaneqarluartoq Eritreamiu, Tekle Ghebrelul, soraarsitaasimalluni nammineq oqaluttuaraa. Inuttaatalu nammineq, allarpassuillu taamatut pisoqarneranik Nunatsinni Danmarkimilu tusagassiuutitigut allaaserisaqartoqarnera tupaallaatigisupilussuuaat.

Soraarsitsinerli Naalagaaffeqatigiit avataanni aamma maluginiarneqarpoq. Ilaatigut Bangladeshimi, Nepalimi, Taiwanimi, Spaniami, Tuluit Nunaanni, Namibiami Pakistanimilu tusagassiuutit  Nunatsinni isikkamik arsaallutik nunanut allanut unammisartut sungiusaasuata soraarsitaanera pillugu allaaserisaqarput.

AAMMA ATUARUK Isikkammik arsaattartunut sungiusaasoq soraarsitsisoqarnera akerleralugu tunuartoq

Nunanut allanut unammisartut sungiusaasuata  timersoqatigiiffiup sungiusaassuuffigisami B-67-ip  unamminerinut atatillugu ammip qalipaataa tunngavigalugu nikassaasoqarneranik pisut arlallit akuuffigisimasaata kingorna soraarsitsineq pivoq. Kingullermillu sapaatit akunnerata siuliani taama pisoqarpoq.

AAMMA ATUARUK Arsaattartoq ammip qalipaataanik assigiinngisitsisoq

GBU-lli soraarsitsineq ammip qalipaataa tunngavigalugu nikassaanermut attuumassuteqannginnerarpaa. Kattuffiummi nassuiaateqarnera naapertorlugu Tekle Ghebrelulip nunanut allanut unammisartut sungiusaasuattut akuerineqarsinnaanngitsumik pissusilersorsimanera pissutaavoq.

AAMMA ATUARUK Aallarnissannut piareeraluarpunga

Soraarsitsinerli amerlanerussuteqartut aalajangiinerisigut pisoq GBU-p siulersuisuini tamakkiisumik isumaqatigiissutigineqarsimanngilaq. Siulersuisuni siulittaasup John Thorsenip taama aalajangiisoqarnera isumaqataaffiginagu soraarsitsineq avammut nalunaarutigineqarmat siulersuisunit tunuarpoq.

AAMMA ATUARUK GBU-mi siulittaasoq soraarsitsisoqareersoq tunuarpoq

AAMMA ATUARUK Sungiusaasup soraarsitaanera Nunatsinni isikkamik arsaannermut innarliivoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat