Sungiusaasoq: Sverigep pissartaatitai sakkortoqaat

- Pissartat unammillugit qanoq ajornartigisoq unamminerup inernerata takutiinnarpaa, sungiusaasoq Jacob Andreassen, arsartunik Egyptenimi malinnaasumit Noah Mølgaardimit apersorneqarluni oqarpoq.

- Unammisagut sakkortoorujussuupput taamaammat unamminermi minutsit 30-t siulliit arsartartuvut isertitserpiarsinnaasimanngillat, oqarpoq.

- Pingaartumik saassusisartuni Akutaaneq Kreutzmannip naarlunnini pillugu peqataannginnera malugisimaqaarput, arsaqatai neriuutaarutingajattutut pissuseqartarlutik. Taamaammat immikkoortup aappaani unammisartutta 18-inik isertitsinerat pissartanut akiuulluarnerummat nersualaagassaavoq, Jacob Andreassen oqarpoq.

Unamminerni siullerni ulluni siuliini pisuni marlunni tamaviaarsimanertik pillugu arsartartut nukissaarusimaarsimanerlutik, aperaarput.

- Naamik, taama oqarsinnaanngilanga. Arsartartuvut qasujaaqaat sulilu nukissaqarluarlutik. Peqqinnartunik nerisaqarput, tamakkiisumillu arsarnissaminnut tagiartuisartumit aamma ikiorluarneqarput. Isumaqarpunga Sverigemeersut nunarsuarmi pissartaanerat eqqarsaatigilersuuginnarsimassagaat. Unammisaminnit siullernit kakkannerit unammisussaallugit imaassinnaavoq sapissangatilersimasut. Kisianni timimikkut nakooqaat, Jacob Andreassen nassuiaavoq.

Assammik arsartartut ullumi sapaammi qasuersaarput.

Kalaallit Nunaanni assammik arsarlutik angutini inuusuttuni unammisartut Hollandip unammisartui aqagu naapissavaat.