Sungiusaasoq: Kalaallit tunniutiinnarumanngillat
Kalaallit isertitseriaqattaareerlutik Menorca 3-1-imik ajugaaffigalugu finaalimut ingerlaqqipput. Tamannalu tupinnanngitsumik nunanut allanut unammisartunut sungiusaasup nuannaarutigaa.
- Iluatsipparput! Iluatsipparput, Tekle Ghebrelul KNR-imit attavigineqarami taama oqarpoq.
Misigisaq nuanneqaaq tamaviaarnarlunilu, taanna nangilluni oqarpoq.
Sungiusaasup oqaatigaa ukiuni arlalinni tamaviaarluni sungiusarsimaneq maanna imminut akilertoq.
Kalaallit Menorcamut unamminermi kinguaraluarput mumereernermili angummallutik. Kingornalu isertitseriaqattaarnemi ajugaallutik.
Unammisartut tunniutiinnarumanngillat. Akiuuttuarsinnarput, Ghebrelul tulluusimaaqaluni oqarpoq.
Maanna nunanut allanut unammisartut Isle of Man guultinnanniuunnermi unamminissaanut piareerput.
AAMMA ATUARUK Kalaallit isertitseriaqattaareerlutik guultinnanniuunnissamut anngupput
