Sungiusaasoq ataannassaaq
januaarip 08-at 2007 10:54
Nunatsinni assammik arsartartut kattuffiata sungiusaasumik Jacob Andreasenimik isumaqatigiissutini ukiunik marlunnik sivitsorpaa, tassa Jacob Andreasen januaarimi 2009-p tungaanut sungiusaasutut ingerlaannassaaq.
Assammik arsartartut kaffiani siulittaasoq Palle Jeremiassen oqarpoq, Jacob Andreasenip suliaminik ilisimasaqarluarluni inuusuttunut sungiusaasimanera suliamut naleqqulluinnartoq taama isumaqatigiissummik sivitsuinermut pissutaasoq.
Inussuttut 21-inik suli ukioqalersimanngitsut amerikap nunavittaani ukioq manna unammiartornissaannut Jacob Andreasen sungiusaasuussaaq.
Inuusuttut amerikkap nunavittaani unamminerminni angusarissaarluassagunik nunarsuarmi pissartanngorniunissanut anngussinnaapput.
