Peqqinnissaq pillugu Kattuffimmut aningaasarsiat pillugit isumaqatigiissusiaq naammassilerunarpoq

Peqqinnissaq pillugu Kattuffiup PPK-p ilaasortaanut 650-inut akissarsiat pillugit isumaqatigiissut kiisami naammassisussanngorpasilerpoq.
Allattoq Karsten Sommer
novembarip 22-at 2018 13:48
Nutserisoq Connie Fontain

Aningaasaqarnermut Sulisoqarnermullu aqutsisoqarfiup PPK-llu akornanni ukiuni marlunni qaammatinilu arfinilinni isumaqatigiinniarnerni kingulliit pingasunngormat inissinneqarput.

Sermitsiaq.AG taama allaaserisaqarpoq.

- Namminersorlutik Oqartussanit aningaasarsiassat suut tamaasa atorlugit inissinneqapallanniarsarissasut paasitinneqarpugut, PPK-mi siulittaasoq Ken Jensen Sermitsiaq.AG-mut oqarpoq.

Isumaqatigiissutit 2016-imi marsimi atorunnaareernerata kingornali nunatsinni peqqinnissaqarfimmi sulisunut pereerneratigut kiisami akiliisoqartussanngorpoq.

- Piffissaq sivisuallaarujussuartoq atorlugu isumaqatiginninniartoqarpoq. Ukioq ataasiujunnaarpoq nutaamik isumaqatiginninniaqqinnissarput, tassani piumasaqaatigut saqqummiunneqassallutik, Ken Jensen Sermitsiaq.AG-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq