Sumiorpaluutit pissutigalugit pimmatiginnittarpugut
Oqaatsivut kinaassutsitsinnut pingaaruteqarput, aammali nunat immikkoortuini inuit ataatsimoortut akornanni aaqqiagiingissutaasarlutik. Kalaallit Nunaanni Oqaasileriffiup pisortaa naapertorlugu tamanna takornartaanngilaq.
- Ilisimavarput, sumiorpaluutit nunatsinniinnaanngitsoq aamma nunarsuarmi allani sumiorpaluutit ilaanninngaanniit pitsaanerusutut tusarnernerusutulluunniit isigineqartarnerat. Tanna takornartaanngilaq ajoraluartumi, Katti Frederiksen oqarpoq.
Taanna isumaqarpoq Kalaallit Nunaanni oqaatsitsinnik assigiissaasimanerput tamatumunnga pissutaasoq.
- Kitaata qeqqarmiut sumiorpaluutaat atorlugit allattarpugut, kikkunnut tamanut saaffiginnittuummata. Unaliuna pinaveersaartitassarigipput, qinngasaarininnguunnani arlaatigut paasissutissiinermik imaqarnerulernissaa.
Meeqqat inuusuttullu akornanni piimmatiginnissutaasersartoq
Katti oqaluttuarpoq tamanna ersertartoq soorlu meeqqat pimmatiginnikkaangasa, aammali Nuummi GUX-imi tamanna arlallit nalaattarsimavaat.
AAMMA ATUARUK Ilinniartut saammaasseqatigiinneq oqaluuseraat
- Annilaarnarpoq, taamannak tusaaqqaarluni soorlu misiginarluni kitaaneeriaratta tunumiusut oqaloqqusaanani, Tasiilamiit Nuummut nuunneq Vinnie Ignatiussen oqaluttuarpoq.
Pimmatiginninnerit ajornerpaangaangasa allaat parrallattoqartarpoq. Soorlu Poul Ib Uitsatikitsoq angimmik naapitsigami:
- Tunumioqatigut oqaloqatigalugit naapillugit takorniorlugit oqaloqatigalugit kiaagaluarnerpoq angutip sanioqqulluni akerartorluta oqaatsigut tusarniiginerarpai, Poul Ib Uitsatikitseq Tasiilameersoq taama oqaluttuarpoq erseqissaallunilu:
Frederiksen: Sumiorpaluutsit atuarfimmi ersersinneqassasut
- Annersarujussuanngilaanga naqiinnarpaanga.
Saammaasseqatigiinnissamut Isumalioqatigiissitaq naapertorlugu ajornartorsiut naliginnaavoq, inuiaqatigiittullu saammaateqatigiissagutta ajornartorsiut aaqqiivigisariaqarparput.
AAMMA ATUARUK Ilisimasanik katersivik, oqaatsivut utoqqatserfigineqarnerlu
Oqaasileriffimmeersoq Katti Frederiksen isumaqarpoq oqaatsivut samminerusariaqarivut, mikinitsinniillu oqaatsit assigiinngitsut atorneri akueralugit.
- Oqaatsitigut sumiorpaluutitigullu akaareqatigiinnisssaq anguniartariaqarpoq. Taavalu immaqa aamma saqqumilartitsinissaq. Pingaartumik soorlu Meeqqat Atuarfianni nuannersunngorlugu sammitinneqartarsinnaavoq, Katti Frederiksen oqarpoq.
