SUME - MUMISITSINERUP NIPAAAssi: SUME-dokumentaren

Sume pillugu filmi Nunavummi takutinneqaqqaalerpoq

Nunavuup illoqarfiisa pingaarnersaanni innuttaasut Nunavumi siullersaallutik filmi piviusulersaarut SUME - MUMISITSINERUP NIPAA takusussanngorpaat. Filmi illoqarfiup filmertarfiani pingasunngorpat februaarip 25-ani unnukkut takutinneqassaaq.

- Isertuutissanngilara sivisoorujussuarmik Sume pillugu filmiliaq naggueqatigiit Inunnut Canadamiittunut takutikkusussimagatsigu, periarfissanillu ujartuisimalluta. Oqaluttuarisaanermut kulturimullu tunngasunik assigiissuteqaqaagut, tusarsimavarpullu Sumekkut Canadap avannaani aamma tusarnaarneqartarsimasut.

- Oqaatsigullu assigiinnerat Sume pillugu filmip takutinnissaanut tunngavissiilluarsimavoq, oqaatsillu pillugit ataatsimiittoqarnerani Sume pillugu filmi Nunavumi takutinneqassaaq. Uanga nammineq kalaallisut oqaatsit ilungersuutigisarsimavakka, Sumelu pillugu filmi uannut aamma unammillernerusimavoq, tassami kalaallisut oqaaseqarluni filmiliaanissaa pingaartissimagatsigu. Nuannaarutigaara ataatsimiinnermi peqataasunut takutissinnaagakku, Inuk Silis Høegh oqarpoq.

Aamma atuaruk Sume - Mumisitsinerup Nipaa Berlinimi nuannarineqarluarpoq

Filmimik ilitsersuisoq Inuk Silis Høegh oqaatsit pillugit ataatsimiinnermut "Inuugatta"-mut aqagumiit Iqalunni ingerlanneqartussamut peqataassaaq.

Aamma atuaruk Sume pillugu filmiliaq nunarsuarmi filmfestivalit annersaanni takutinneqartussanngortoq

SUME - MUMISITSINERUP NIPAA Iqaluit filmertarfiani tuluttut allagartalerlugu pingasunngorpat februaarip 25-ani nal. 18:30 takutinneqassaaq. Marlunngorpallu Inuksuk High Schoolimi atuartunut takutinneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat