Sullualuk allatut ateqalissava?

Amerikap nunavittaa avannaqqullugu kangianut aqqut, Sullualuk, immikkut ittumik Canadamullu tulluarsakkamik ateqalissasoq, Canadami inatsisartunut ilaasortamit siunnersuutigineqarpoq.
Allattoq Mads Lynge
oktobarip 25-at 2009 17:22

Nutaamilli atsersuisoqassappat naggueqatigiit Inuit tusarniaavigineqarnissaat pingaaruteqartoq, naggueqatigiit Inuit Nunavummi suliniaqatigiiffiat, Nunavut Tunngavik, isumaqarpoq.

Imartap Canadamit oqartussaaffigineqarnera takutinniarlugu taama siunnersuuteqartoqarpoq. Imartaq pineqartoq nunat tamalaat pigisaattut nunanit allanit oqaatiginiarneqartaraluarpoq.

Siunnersuut Canadami inatsisartunit tapersersornartinneqaraluarpoq, naggueqatigiilli Inuit Nunavummi suliniaqatigiiffiata, Nunavut Tunngaviup præsidentia Paul Kaludjak, tassunga atatillugu qisuariaateqarpoq.

Imartap pineqartup naggueqatigiit Inunnit ukiuni tuusintilikkaani piniarfittut atorneqarsimanera, atsersuiniarnermi ersersinniarneqarnissaa Paul Kaludjakip Canadap ministeriuneranut allagaqaateqarnermini piumasaraa.

Amerika avannaqqullugu kangianut aqqutip Inuktitut taaguuteqalernissaa pissusissamisoornerussasoq, Paul Kaludjak oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq