Sullivinni nillataartitsiviit eqqiarneqarneq ajorput

- Suliffeqarfinni amerlanerni tamanna takornartaanngilaq, nillataartitsiviit tusindtilippassuit eqqiarneqarneq ajorput, tamannalu peqqinnanngilluinnarpoq, eqqiluisaarnermut Danmarkimi Inuussutissaqarnermut aqutsisoqarfimmi paasisimasaqarluartoq, Morten Lisby, oqarpoq.

- Suliffeqarfinni assigiinngitsuni nillataartitsiviit qaqutiguinnaq eqqiarneqartarput, taakkunaniittarput nerisassat ajortunngorsimasut, bakterianik oqunnillu siaruarterisinnaasut, oqarpoq.

Allaffiit initaanni allaffimmiut arlaliusut suliffigisaanni nillataartitsiviit 22 procentii ukiumut marlussoriaannarlutik eqqiarneqartartut USA-mi misissuinerup nutaap ersersippaa.

Suleqatit arlaasa taquarisimasaat, pappiaqqamut sølviusartikkamut allanulluunniit taquaasiviusinnaasunut poortukkat suleqatit allat iginngitsoortarpaat. Nerisassallu nutaanngilisimagaangamik naarluutigineqarsinnaapput.

Nillataartitsiviit kikkunnit tamanit eqqiluisaartinneqarnissaat Morten Lisby-p kaammattuutigaa. - Tamanna ileqquliutiinnarneqartariaqarpoq, oqarpoq.

- Soorlu suliffeqarfinni eqqiaasartut qinnuigineqarsinnaapput nillataartitsiviit ilanngullugit eqqiartaqqullugit, soorlu sapaatip akunneranut ataasiarlutik, Morten Lisby aviisip Politikenip nittartagaanut oqarpoq.