Sullitat 60.000-it missaanniittut uninngasuutaat matussuserneqarsinnaalerput
Grønlandsbankenip sullitai katillugit 3,3 milliardi koruuninik uninngasuuteqarput.
Sermitsiaq nittartakkamini taama allaaserinnippoq.
Danskit naalakkersuisuisa aamma danskit aningaaseriviisa sapaatiummat isumaqatigiissuteqarnermikkut aningaasarsiornikkut ajornartorsiorneq unikaallatsinniarsaraat. Taamatut isumaqatigiissuteqarnikkut aningaaseriviit sullitaat qularnaveeqquserneqarput. Taamaalilluni aningaasarsiornikkut ajornartorsiortoqarnera patsisigalugu aningaasat ileqqaakkat akitsip ataaniitillugit sininnissaq pisariaarutsippaa.
Isumaqatigiissut naapertorlugu aningaaseriviit 35 milliardi koruuninik qulakkeerinninnermut akiliuteqassapput, annaasallu 35 milliardi sinnerpatigit naalagaaffik matussusiissaaq.
Grønlandsbankip ukiuni tulliuttuni marlunni aningaasaliissutissai 26 millioni koruuniussapput.
Tamatuma akerlianik bankimi aktiaatillit ukiuni tulliuttuni marlunni agguagarsissanngillat.
Aningaaserivinnut qulakkeerinninniarneq Folketingip tallimanngorpat pingajussaaneerlugu oqaluuserissavaa, amerlanerussuteqartullu tamanna tapersersorpaat.
