Sulitillutit ajoqusernerit SMSerlutit nalunaarutigiuk
Sullissiviup pisortaata Kristina Nordby-Rachlitz-ip oqaatigaa, qaqugukkut nalunaaruteqarneq inuup inuunerata tunngavianut piffissami sulisinnaannginnerani pingaaruteqarsinnaasoq.
- Taamaattumik innuttaasup uagutsinnut ajornannginnerusumik attaveqarsinnaanerminut periarfissaanik ujasiuarpugut. SMS-ikkut nalunaaruteqartoqarsinnaalerneratigut internet atunngikkaluarlugu ullup unnuallu ingerlanerani ajoqusernerit nalunaarutigineqarsinnaanngorlutik, taanna oqarpoq.
SMS-ikkut nalunaaruteqarsinnaaneq ullumikkut pappialanngorlugu nalunaaruteqartarnerup saniatigut periarfissaavoq, soorlu aamma qarasaasiakkut www.anmeld.gl-ikkut nalunaaruteqartoqarsinnaasoq imaluunnit Sulisilluni Ajoqusernerit pillugit Sullissivimmut sianerluni nalunaaruteqartoqarsinnaasoq.
Maannali tassa sulitilluni ajoqusernerit 56 56 00-imut nalunaarutigineqarsinnaanngorput, nassiussinerlu ataaseq 10 øreqarluni. Nassiussereernermi nalunaaruteqartoq sullissivimmi sulisumit sinerfigineqassaaq, sulitillunilu ajoquserneq pillugu suliaq aallartillugu.