Sulisut imminut illersornissamik piginnaanillit

Tarnimikkut nappaateqartunut inissiisarfimmi kalaallinut immikkoortortaqarfimmi sulisuuneq imaannaanngitsuuvoq:

- Inissinneqasimasut arlaqartut atornerluinermik ajornartorsiuteqartuupput, taamattumik uninngasut sulisullu akornanni aporaannerit pisarput. Taamatut pisoqartillugu sulisut arnat eqqorneqakkajuttarput, taamattumik Dai Ki Hakumik piginnaaneqarneq tassani iluaqutaasarpoq, peqqissaasut ittuat Bent Bonnen Århus Stiftstidendemut oqarpoq.

Sulisut arnat qulit 2010-mi upernaakkut Dai Ki Hakumik sungiusarnerni nammineq piumassuseq aallaavigalugu peqataasalerput..

Peqqissaasunut ikiorti Rosa Olsen Andersen sungiusaqataasartunut ilaavoq:

- Dai Ki Haku iluaqutigalugu napparsimasunik eqqissisaanissamut sakkussaqalerpunga, aamma qimagutipallannissamut periutsinik ilikkagaqarlunga, Rosa Olsen Andersen oqarpoq.

Sulisut imminut illersorluni timersoriaatsimik piginnaasaqarnerat napparsimasut akornanni paasineqareerpoq, tamannalu ataqqininnerulernermik nassataqarsimasoq sulisut maluginiarpaat.

Dai Ki Hakumik sungiusarnissamik neqeroorut sulisunut arnanut taamalllaat neqeroorutaavoq, kisianni sulisut angutit aamma iluaqutigilluarsinnaagaat Bent Bonnen isumaqarpoq.