Sulisut angerlarartinneqartut
Ukiorluarnerani sulisunik angerlarartitsisarneq nalinginnaasoq, pisortaq Robert Näslund oqarpoq.
Olivinisiorfimmi sulineq ingerlalluartillugu sulisut 40-t missaanniittarput, maannali nakkutilliisutut sulisut qulit missaannaanniipput.
- Olivinisiorfimmi ukiup qaammataani aqqanilinni suliffiusarnera eqqumiiginartortaqanngilaq. Ukioq 2005-imi, 2006-imi siornalu 2007-imi taamaaliorpugut, aamma ukiormanna, Robert Näslund nassuiaavoq.
- Issileruttornerani assaanerit minnerpaaffianiitilertarpavut, atortutta aserunnginnissaat aamma pillugu, pisortaq oqarpoq.
Olivinisiorfiup matoqqagallarnerani suliassarpassuit allat suliarineqartarput, soorlu illut iluarsagassat allallu.
Olivinisiorfimmi sulineq tamakkiisuunerusoq marsimiit novembarimut ingerlanneqartarpoq.