Sulisitsisut namminersortut suliffeqarfiutaanni tamani GA aamma SIK isumaqatigiissuteqarput
Akissarsiat utoqqalinersiassallu qaffannerisa saniatigut maannakkut aamma isumaqatigiissutigineqarpoq ’Isumaginninnermut Aningaasaateqarfik’ pilersinneqassasoq. Aningaasaateqarfiliornerup kingunerissavaa SIK-mut ilaasortat napparsimaruloornermut toqusoornermullu atatillugu aningaasatigut tapiiffigineqarnissaminnik qinnuteqaateqarsinnaalernerat.
-Pitsaasumik isumaqatigiissuteqarneq angusinnaasimavarput isumaqatigiinniarnerit inussiarnisaartumik ingerlanneqarsimanerat minnerunngitsumik pissutigalugu, SIK-p siulittaasua, Jess G. Berthelsen, oqarpoq.
- Isumaginninnermut Aningaasaateqarfik SIK-miit iliuusaavoq pitsaalluinnartoq, ajornartorsiulersummi tassuunakkut ikiorserneqarsinnaammata, GA-p pisortaa, Brian Buus Pedersen, oqarpoq, ilanngullugulu oqarluni isumaqatigiissut nutaaq angusaqarusulluni pitsaasumik isumaqatigiinniarnertigut anguneqarsimasoq, tamannalu tamanit naammagisimaarneqarsinnaasoq.