Sulisartut aalisartorlu akerliupput

- Tassa ukiut sisamaannguatsiarput qaangiuttut aalajangerpaat 65-inut killissasoq. Taanna ajorinngilara, Jens Peter, Nuummi Polar Raajat tunisassiorfiani sulisartoq, oqarpoq. Taanna isumaqarpoq inuit assigiinngitsuummata utoqqalinersiaqalernissamut ukiussarititaasut ullumikkut inissisimaffiat tulluartoq:

- Ilaat utaqqalivallaarneq ajorput, taannartaa pissutigalugu  65-it naammassorivakka, 52-inik ukiulik Jens Peter, piumassuseqaruni pisinnaagunilu suliinnarusuttoq taama oqarpoq.

Ilulissani Royal Greenlandip suliffissuani sulisartup, 57-inik ukiullip, Kasper Larsenip, Naalakkersuisut aamma isumaqatiginngilai:

- Uanga isumaqatigisinnaanngilara taamatut qaffaaniarpata. Suliffissuarmi sulisuulluni taamatut qaffaasoqassappat uatsinnut angujuminaattorujunngussapput. Imaakkami suliffissuarmi sulineq oqimaattuungami, taavalu tiimerpassuit ilaanni ullormut sulisarluta. Taamaattumik qaffannissaa uanga isumaqatiginngilluinnarpara, Kasper Larsen oqarpoq, nangillunilu:

- Apparnissaaluunniit uanga kissaatigisaraluarpara. Tassami taakkua 65-it, taakkualuunniit nikisinneqannginnissaat uanga kissaatigissangaluarpara. Imaakkami suliffissuarni sulisut nungullajaartaratta, pingaartumik suliuaannartut, taamaattumik uanga isumaqatigisinnaanngilara taamatut qaffaasoqassappat, Kasper Larsen oqarpoq.

28-nik ukiulik Nick Ingemann Olsen, Nuummi Polar Raajani aamma sulisarpoq. Taassuma Naalakkersuisut utoqqalinersiaqalernissamut ukiussarititaasunik qaffaaniarnerat aamma isumaqatiginngilaa:

- Aappaatigut ajussaaq. Inuit inooriaasaat assigiinngittarami ilaat utoqqaliaarlutillu 65 naammakkaluarporluunniit, Nick Ingemann Olsen.

Iluliarmiup aalisartup 62-nik ukiullip, Knud Olsenip, sulisartut aamma isumaqatigai:

- Naamik, uanga akuerisinnaanngilara. Ajornaqaaq utaqqikatappugut, paarnguinnaq angalalernikuulluni ajorpoq. Massakkummi 65-imiinnera qanoq ingaajuk? Tassa ajunngilaq. Erininaqaaq, Knud Olsen oqarpoq.