Politikki

Randi Vestergaard: Sulineq akilersinnaasariaqarpoq

2017-imut aningaasanut inatsisissaq sulinerup tamanut akilersinnaanissaanik aqqutissiuussissaaq. Sulisitsisut peqatigiiffiat, GE, taama piumasaqaateqarpoq, isumaqarlunilu suliffissaaleqisut suliumanngitsut pisortanit ikiorsiissutinik pisartagaannik arsaarneqartassasut.

Allattoq Sivert Olsen

aggustip 17-at 2016 06:19

Aningaasaqarnermut naalakkersuisoq Randi Vestergaard Evaldsen Qanoruumi ataasinngormat unnukkut pulaartorineqarpoq.

Ajornartorsiutaasoq nassuerutigaa neriorsuutigalugulu Inatsisartut aappaagu upernaakkut ataatsimiinneranni alloriarnerit siulliit piumaartut.

Aamma atuaruk GE: Patajaallisaalinnginnerput toqqissisimananngilaq

Aningaasaqarnermullu naalakkersuisoq aaqqissuusseqqinnerit suut pisariaqartinneqarnerinut tigussaasumik siunnersuutissaqarpoq.

- Saqqummiussassatta ilagaat sulinermut ilanngaateqartitsisalernissaq, Randi Vestergaard oqarpoq, taassuma aamma sulinerup pisortanit ikiorsiissutinik pisartagaqarnermut naleqqiullugu akilersinnaanissaannut tunngatillugu pisortanit ikiorsiissutaasartut misissorniarpai.

Suliassaqarfimmili 2018-imi aatsaat pisoqarumaartoq naatsorsuutiginerarpaa.

- Iluarsisassat arlaqarput, taakkulu inatsisiliornerup allanngortinneqartariaqarneranik pisariartitsissapput. Naalakkersuisoqarfiulli maanna suliarilereerpai, naalakkersuisoq unnerpoq.