Suligasuartitanik Naalakkersuisut pilersitsinialerput
Ilaqutariinnermut Peqqissutsimullu naalakkersuisoq, Arkalo Abelsen, Atassummut akissuteqarluni allappoq.
Kræftimik nappaatillit katsorsarneqarsinnaajunnaartutullu nalilerneqarsimasut nunatsinni najugaqartut misileraataasumik katsorsarneqarsinnaalernissaat periarfissaalersissallugu, Naalakkersuisut suliniutigissallugu pilersaaruteqarnersut Atassut apeqquteqarnikuuvoq.
Kræftimik nappaatillit katsorsarneqartarnerannut periarfissanik misissuisussamik ataatsimiititaliamik suligasuartussamik naalakkersuisunut ilaasortaq pilersitsiniarpoq.
Kræftimik nappaatilinnik nunatsinneersunik misileraataasumik katsorsaasarnissamik eqqussinissaq pillugu pissutsit erseqqissaavigineqanngitsut amerlapput, Arkalo Abelsen allappoq.
Taamaammat misissortinniarpaa, kikkut misileraataasumik katsorsarneqartassanersut, nappaatillillu qassiunersut, Kalaallit Nunaallu danskit aaqqissuussinerannut ilanngunneqassanersoq aamma misissorneqassaaq.
Kiisalu Suligasuartitat misissussavaat, katsorsaaariaaseq qanoq ilillugu aningaasalersorneqassanersoq.