Suliffitsialaat marluk toqqarneqarput
Suliffitsialattut toqqarneqartut marluk ualimanna suliffitsialattut uppersaatitik tiguaat.
Dronning Margrethep Peqqissaavia Paamiuniittoq kiisalu Nuup Kommuneani isumaginninnermut immikkoortortaqarfik ukioq 2007-imi suliffitsialattut toqqarneqarput. Suliffigissaasut suliffitsialanngortitsinissamut immikkut sammivaat sulilluni ajutoornerit ikilisinneqarnissaat sullivimmilu tarnikkut atukkat pitsanngorsarneqarnissaat.
Nuup Kommuneani isumaginninnermut immikkortortaqarfimmi sulitilluni uippakajaarfiusartumi tarnikkullu artukkerneqartarfiusumi, sulisut aqutsisullu ulluinnarni sulinerminni kaammattoqatigiittarnerat ersarissunillu siunniussaqarlutik sulisarnerat pillugu suliffigissaasut sulifftsialattut toqqaanerminnut tunngavilersuutigaat, suliffigissaasut siulittaasuat Sten Lund radioaviisimut oqarpoq.
Paamiuni Dronning Margrethep Peqqissaavia suliffitsialattut toqqarneqarneranut pissutaapput, suliffeqarfimmi sulitilluni ajutoornerit pitsaaliorneqarnerat, ilaatigut sulisut qitikkut ajuqusinnginnissaannik ilinniartinneqarnerisigut, aammalu sulivimmi tarnikkut atukkat pitsanngorsarniarlugit ukiup aappaata-qeqqa missaani suliuniuteqarsimaneq.
Suliffimmi tarnikkut atukkat pitsanngorsarniarlugit
suliniutit tamakku pisariaqarput, nuannerporlu suliffeqarfinni tamani tamaani soqutigineqalersimammat, Sten Lund oqarpoq.
Suliffeqarfiit 22-t akornanni ajugasut marluk toqqarneqarput.