Suliffissarsiortutut nalunaarsorneqarsimasut ikiliartorput
Inuit suliffissarsiortutut nalunaarsorneqarsimasut ukioq manna septembarimi nalunaarsorneqarsimasut siornamut naleqqiullugu 426-nik ikinnerupput.
Kisitsisit Kalaallit Nunaanni Naatsorsueqqissaartarfimmeersut tamanna takutippaa.
Illoqarfiillu ataasiakkaat pillugit kisitsisit qimerlualaaraanni takuneqarsinnaavoq illoqarfinni ataatsimut isigalugu tamani suliffissarsiortutut nalunaarsorneqarsimasut ikilisimasut.
Aasianni Qasigiannguanilu septembarimi suliffissarsiortutut ukioq manna nalunaarsorneqarsimasut, siornamut naleqqiullugu amerlanerulersimapput.
Illoqarfiit sinnerini kisitsisit allanngungaarnatilluunniit nalunaarsorneqarsimasut ikinnerulersimapput.
Septembarimi suliffissarsiortutut Nuummi nalunaarsorneqarsimasut 100-pput, Paamiuni Nanortalimmilu 50-it, Uummannamilu 30-t.
Kalaallit Nunaanni Naatsorsueqqissaartarfiup kisitsisaatai uani takusinnaavatit.
