Suliffissarsiortutut nalunaarsoqqasut ikinnerusut

2016-imi decembarimi ukiup siulianut sanilliullugu suliffissarsiorlutik nalunaarsimasut 209-nik ikinnerupput. Taamaalilluni ukioq aallartinnermisulli suliffissarsiortutut nalunaarsoqqasukinnerulluni qaangiuppoq. Naatsorsueqqissaartarfimmit kisitsisit taama takussutissiipput.

Ukiup qaangiuttup ingerlanerani inuit 8332-t suliffissaaleqisutut piffissami sivikitsumi sivisuumiluunniit nalunaarsorsimapput. 2015-imi suliffissaaleqisut 9120-ullupput. Tamannalu 8.6 procentimik appariarneruvoq.

Naatsorsueqqissaarnerup aamma takutippaa, suliffissarsiorlutik nalunaarsorsimasut amerlanersaat angutaasut. Angutit suliffeqanngitsutut ukiup ilaani nalunaarsorsimasut 1872-iupput arnallu 1285-iullutik.

Paasissutissat allat Naatsorsueqqissaartarfimmi atuarsinnaavatit.