Suliffissaaleqisut malunnaatilimmik ikileriartut

Suliffissaaleqineq pillugu kisitsisit kingulliit Naatsorsueqqissaarfiup ullumi saqqummiuppai. Kisitsisit illoqarfinni nunaqarfinnilu suliffissarsiortutut juulip qaammataani nalunaarsukkanik toqqammaveqarput.
Assi © : Simon Uldum
Allattoq Karsten Sommer
aggustip 14-at 2015 09:50
Nutserisoq Simon Uldum -

Kisitsisillu qiimmaallaatissaapput. Nuna tamakkerlugu - illoqarfinnilu ataasiakkaani - suliffissaaleqisut malunnaatilimmik ikileriarsimapput.

Suliffissaaleqisullu piffissami sivitsortumi siullerpaamik 3.000-it ataappaat - katillugit 2.986-iummata - taakkunannga 367-it nunaqarfimmiuullutik.

Siorna juulip qaammataanut naleqqiullugu 374-inik ikinnerupput.

Ukiormanna juulip qaammataani suliffissaaleqisut siorna juulip qaammataanut naleqqiukkaanni, taamaallaat Sisimiuni, Paamiuni, Qasigiannguani, Qeqertarsuarmi Tasiilami suliffissaaleqisut amerleriarsimapput.

Illoqarfiillu sinnerini suliffeqalersut amerleriarsimapput - pingaartumillu Nanortalimmi, Nuummi Ilulissanilu suliffissaqartitsineq malunnaatilimmik annertusisimavoq.

Suliffissaaleqisut ukioqqortussutsimut agguataarnerini 20-it 24-illu akornanni ukiullit akornanni suliffissaaleqineq suli annertunerpaajuvoq, Naatsorsueqqissaartarfik taama ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq