Suliffissaaleqisut ikiliartortut
Nunatsinni suliffissaaleqisut siornamut naleqqiullugit 553-inik ikileriarput. Naatsorsueqqissaartarfiup kisitsisinik saqqummiussai nutaat taama takutitsipput.
Nunatsinni suliffissaaleqisut ikiliartorput.
Allattoq Kenneth Elkjær
aggustip 15-at 2016 11:43
Nutserisoq Simon Uldum -
Nunatsinni suliffissaaleqisut siornamut naleqqiullugit 553-inik ikileriarput. Naatsorsueqqissaartarfiup kisitsisinik saqqummiussai nutaat taama takutitsipput.
2015-imi juulip qaammataani suliffissaaleqisut 3000-it missaanniipput. Ukioq manna 2433-inik amerlassuseqarput.
Illoqarfinni suliffissaaleqisut ikileriaateqarnerupput, taakkunani suliffissarsiortutut nalunaarsukkat 525-ullutik. Nunaqarfinni suliffissaaleqisut siorna 367-isut ukioq manna 339-upput - 28-nik ikileriarlutik.
Naatsorsueqqissaartarfiullu ilisimatitsissutigaa kisitsisit mianersortumik paasineqassassut. Suliffissaaleqisummi ikileriarsimanerat, kommunit illoqarfiillu ilaanni suliffissarsiortunik nalunaarsuinermi periaatsiminnik allanngortitsisimanerannik pissuteqarsinnaammat.
