Suliffissaaleqisut ikileriarput

Nunatsinni ukiup affaani siullermi suliffissaaleqisut ukiumut siulianut sanilliullugu 0,4 procentimik appariaateqarput. Taamaalilluni nunatsinni naatsorsueqqissaartarfiup kisitsisaatai naapertorlugit suliffissaaleqisut amerlassusaat ukiup affaani siullermi 7,9 procentimiit 7,5 procentinut appariarsimapput.

Suliffissaaleqisut ukioq manna ukiup affaani siullermi kisitsisinngorlugit 2020-iupput, ukiumut siulianut sanilliullugu 92-nik ikileriarlutik, 2003-mimi suliffissaaleqisut 2112-nik amerlassuseqarsimapput.

Nuummi suliffissaleqisut ikileriarnerpaaput, ukiup affaani siullermi 68-nik ikileriarsimagamik ukiumut siulianut sanilliullugu.

Aasiaat procentinngorlugulu  appariaateqarfiunerpaavoq. Akerliani Illoqqortoormiuni Upernavimmilu suliffissaaleqisut amerleriarput. Illoqqortoormiuni suliffissaaleqisut 4,5 procentimik amerlillutik 12,5 procentinngorsimapput, Upernavimmi suliffissaaleqisut 7 procentimiit 10 procentimut qaffallutik.