Suliffissaaleqisut ikileriarput
Illoqarfinni suliffissaqanngitsut 50-it missaannik ikileriarsimapput, tassa siorna tamatuma nalaanut naleqqiullugu.
Tamanna Kalaalit Nunaanni Naatsorsueqqissaartarfiup suliffissaqanngitsut pillugit kisitsisaataani takuneqarsinnaavoq.
Suliffissaqanngitsut siorna agguaqatigiissillugu 5,7 procentiusimapput, tamannalu maanna 5,5 procentimut apparsimavoq.
Suliffissaqanngitsut Qeqertarsuarmi Ilulissanilu ikinnerpaapput, tassa suliffissaqanngitsut 2,6 aamma 2,7 procentiugamik.
Tasiilami suliffissaqanngitsut amerlanersaapput.
Siorna suliffissaaleqisut 6,8 procentiusimapput ukiormanna 11 procentimut qaffassimallutik.
Kuummiuni tunisassiorfiup Arctic Green Foodip matuneqarnera taama suliffissaaleqisoqartigineranut ilaatigut pissutaavoq, aamma KNI-p Nukissiorssiorfiillu Tasiilami eqqaanilu sulisuminik ikilisaasimanera pissutaaqataalluni.
