Suliffissaaleqisut amerliartuinnarput
Nuuk suliffissaaleqinerpaaffiujuarsinnarpoq. Siorna apriilimi 797-iugamik maanna taamaalinerani 965-inngorsimallutik.
Qaqortumi 17-nik appariarsimagaluartut suli 218-it suliffissaqanngillat. Aamma Upernavimmi taamaappoq, minnerunngitsumillu nunaqarfiini. Tamaani aprilimi suliffissaaleqisut 259-it nalunaarsorneqarsimapput.
Illoqarfinni annerni aamma taamaappoq; Sisimiuni, Ilulissani Aasiannilu aamma suliffissaaleqisoqaqaaq. Sisimiuni 352-it suliffissaqanngillat, Ilulissani 361-it Aasiannilu 265-it.
Nanortalimmi nunaqarfiinilu suliffissaaleqineq siorna aprilimut naleqqiullugu 40-nik apparialaarsimavoq. Siorna suliffissaaleqisut 148-simallutik.
Suliffissaaleqineq Tasiilami nunaqarfiinilu appariarnerpaasimavoq - aprilimi suliffissaaleqisut 233-usimapput siorna taamaalinerani 282-usiumagaluarlutik.