Suliffimmut atatillugu biileqarneq akisunerulissaaq

Isertitat akileraaruteqaataasarnerannut inatsisit allanngortinnerisigut, sulisitsisut akiligaannik biileqarnermi akileraarutaasartut Naalakkersuisut 50 procentimik qaffanniarpaat. Taamatut qaffaaniarneq sulisunut ajunngitsorsiassat akileraarutikitsut killilersimaarnissaannik anguniagaqarnermut ilaatinneqarpoq.

Suliffimminnut atatillugu biileqartut akileraarutaat kisimik allannguiffigineqarniarput. Aalajangersakkat allat allannguteqanngillat. Suliffimminnut atatillugu biilillit illoqarfinni 75.000 kvadratmeterinit annertunerusunik aqqusinillit akiliutissaat annerussaaq. Aqqusernillu 75.000 kvadratmeterinit annikinneruppata akileraarutitigut akiligassat affaannaassallutik. Inatsisissatut siunnersuummi ukiaru Inatsisartuni oqaluuserineqartussami biilinut immikkut ittunut aalajangersakkat allannguuteqartinniarneqanngillat.