Suliffimmiit Facebookertarneq ilisimatuut iluaqutaanerarpaat
Sulisummi interneti aqqutigalugu attavinnik atuisartut 9 procentimik sullerinnerusut, ilisimatuut Australiameersut misissuinerminni paasivaat.
- Internetitigut avammut attaveqarniarluni unillatsiartarnerit sulinermut iluaqutaasarput, eqqarsaatit allamut saatsinneqartarmata, Brent Coker, misissuinermik aqutsisuusoq, aviisimut Sydney Morning Heraldimut oqarpoq.
Tarnip pissusaanik ilisimatuup Danmarkimeersup misissuinermi inernerit tapersersorpai:
- Suliaq akunnerni arfineq-pingasuni atasuinnarmik aallunneqarsinnaanngilaq. Kialluunniit unikaallattarnissani pisariaqartippaa, tarnip pissusaanik immikkut ilisimasalik Troels Gottlieb oqarpoq.
Sulisut qarasaasiamik atuisartut 70 procentii interneti aqqutigalugu avammut attaveqartartut misissuinerup takutippaa, Facebookinngikkunik, allakkanik nassitsinngikkunik internetikkut pisiniartaramik.
