Suliffimmi pissutsit kræfteqalernermut sunniuteqartarput
Kræfteqalernermi suliffimmi pissutsit sunniuteqartartut, Danmarkimi kræftip akiorniarneranut suliniaqatigiiffiup, Kræftens Bekæmpelsep, paasiniaatitsinerata takutippaa.
Immiorfinni, umiarsuaatileqatigiiffinni aamma akunnittarfinni neriniartarfinnilu sulisut, kræftimik eqqorneqarnerpaasarsimapput. Suliaqarfinni taakkunani angutit sulisut aamma eqqorneqarnerpaasimasut paasineqarpoq. Angutini kræftimit eqqorneqannginnerpaasartut tassaasimapput nunaatillit naasuerniallu.
Suliffeqarfinni 307-ini, kræftimik nappaatit assigiinngitsut 44-t navianartorsiutaasinnaasut, misissuinermi paasineqarpoq. Misissuinerit 1970-imiit 2003-mut ingerlanneqarput, aviisimi Politikenimi tamanna allaaserineqarpoq.
Kræftimut akiuiniarnermi Suliniaqatigiiffiup Kræftens Bekæmpelsep misissuinermi paasisat misissoqqissaarniarpai.
Suliffeqarfinni ajutoornermut atatillugu eqqartuussisulersuussinermi, aamma siunissami suliffeqarfinni suliaqarfinnilu pitsanngorsaanermi atorneqarsinnaasut, aviisimi Politikenimi allaaserineqarpoq.
