Suliffimmi eqqunngitsuliorfigititutut misigisimaneq navianarpoq. Sulisut taamatut misigisimatillutik aliasoqqajaalernissaat uummatillu taqarsuartigut aanaartoornissaat qaninnerusarpoq.
Danmarkimi, Finlandimi Tuluillu Nunaanni sulisartut 18.000-t sinnerlugit misissorneqarneranni tamanna paasineqarpoq. Misissuinermi paasisat atuagassiami ”Arbejdsmiljø”-mi, kalaallisut sulinermi avatangiisinik taaneqarsinnaasumi, atuarneqarsinnaapput.
- Eqqunngitsuliorfigitittutut misigisimaneq inummut sakkortuumik tuttartoq naleqassutsimillu innarliisinnaasartoq misissuinermi paasineqarpoq, sulliviit avatangiisiinik misissuisarfimmi ilisimattooq, Tage Søndergård oqarpoq nangillunilu:
- Sulinerminni eqqunngitsuliorfigitissimasutut misigisimasut navianartumik nappaateqalernissaminnut qaninnerusartut misissuinitsinni uppernarsivarput. Assersuutigalugu uummammik taqarsuanik milittoorlutik toqquteqarsimasut amerlanersaat eqqunngitsuliorfigitissimasutut misigisimasarput, Tage Søndergård oqarpoq.
Danskit misissuinermi peqataasut affaasa suliffimminni pisortatik immikkoortitsisutut suliassanillu agguaanerluttutut isigisimavaat.