Suliffeqarfissuit piumasaqaateqartut

Suliffeqarfissuit nunani tamalaani ingerlatsisut annersaasa siuttui maanna saqqummerput ataatsimoorlutillu piumasaralugu silap pissusaata allanngoriartornera naalakkersuinikkut iliuuseqarfigineqassasoq.

Nunarsuatsinni avatangiisinut ministerinut nunanilu assigiinngitsuni qullersanut allagaqarlutik piumasaraat, silap pissusaa pillugu Bali-mi qanittukkut ataatsimiinnissaq aalajangersimasumik iliuuseqarnermik kinguneqassasoq, tassa nunarsuatsinni CO2-mik silaannarmut aniatitsineq 2050-imi affaannanngortinneqareersimassasoq piumasaqaatigigamikku.

Suliffeqarfinnut nunarsuatsinni annersaasunut ukununnga pisortat 150-iusut, tuluit kunngissaata Charles-ip avatangiisit pillugit allaffeqarfianit atsiornerminnik nunarsuatsinni naalakkersuinikkut siuttunut allagaqarput:

Tuluit Nunanni Shell, Nestlé, Coca-Cola, Rolls Royce, Unilever, British Airways, Nokia, Nike aamma Volkswagen.