Suliffeqarfimmik aallartitsiniartunut siunnersuisarneq nuutsinneqarpoq
Suliassaqarfimmut atatillugu Naalakkersuisut pilersaarutaasa ilaattut tamanna pissaaq. Kommunit namminneerlutik isumaginninnissamut periarfissaqarnikuunngimmata Nunatsinni takornariaqarnermut inuussutissarsiornermullu siunnersuisoqatigiit siunnersuisarneq siusinnerusukkut isumaginikuuaat.
- Siunnersuisarnerup tigunissaanut piginnaasaqalersitsisumik pikkorissarnerit arlaqartut ingerlannikuuavut, Kommuneqarfik Sermersuumi inuussutissarsiornikkut ineriartortitsinissamut immikkoortumi pisortaq, Marie Fleischer oqarpoq.
Ineriartortitsinermi anguniagassanik erseqqissaavik atorlugu siunnersuisoqartarpoq. Suliffeqarfimmik aallartitsiniartut suliffeqarfiillu ineriartorfissaannik suussusersiniarnermi atortorissaarut taamaattoq atorneqarsinnaavoq tamatigoortoq.