Suliffeqarfiit namminersortut praktikkertoqartarnissaannut peqqusiniarput

Suliffeqarfiit kaaviaartitaat angissusaallu praktikkerfissat amerlassusissaannut tunngaviussapput, Inuussutissarsiornermut Suliffeqarnermullu Naalakkersuisoq Vittus Qujaukitsoq Nuummi innutaasunik ataatsimiisitsinermi taama oqarpoq, aviisi Sermitsiaq ullumi saqqummersoq taama allaaserisaqarpoq.

Naalakkersuisunut ilaasortat tamarmik Nuummi innnuttaasunut ataatsimiisitsiipput marlunngornermini tassani innutaasut Naalakkersuisunut apeqquteqarsinnaallutik.

Praktikerfissanik amigaateqarnerup naalakkersuisuinit  qanoq iliuuseqarfigineqarnissaata saniatigut innuttaasut ilarpassuisa Danmarkimut nutsernerat unitsinnniarlugu Naalakkersuisut sunik suliniuteqarnersut innutaasunit paaserusunneqarpoq.

Apeqqummut tassunga Aningaasaqarnermut Naalakkersuisoq Randi Vestergaard Evaldsen akissuteqarluni oqarpoq, ajornartorsiut Naalakkersuisuinit eqqumaffigineqartoq taamaattumillu nutserartoqarneranut pissutaasut paasiniarlugit misissuisoqalersoq.