Suliffeqarfiit minnerit ikiorniarneqalerput
Suliffinnik nakkutilliisarnissami suliffeqarfik timikkut tarnikkullu aaqqissuussaalluarsimanersoq misissorneqartassaaq. Suliffinnillu misissuisut APV-mik taaguuteqartinneqassapput. Sulinermik nakkutilliisut nutaamik suleriaaseqalissapput, ”misissugassat pingaarnernik” ilaatigut nutserneqarsinnaasumik taaguuteqartumik`.
- Sanaartornermi sillimaniarneq sanaartorfissani nakkutiginiarneqassaaq, assersuutigalugu inissitsiterineq aaqqissuusseqqinnerillu pisassallutik,
Sulinermut avatangiisinut nakkutilliivimmi siulittaasoq, Sten Lund, oqarpoq.
Taanna erseqqissaavoq suliffinnik nalilersuisarnissaq sulisut atugassarititaannik illersuinerusoq.
- Inuusuttut suliffittaaraangamik utoqqalinersiaqalernissartik tikillugu pitsaasunik atugassaqartinneqarlutik sulisarsinnaanissaat anguniarneqassaaq. Kalaallit Nunaanni sulisussanik amigaateqareeratta sulisartunik soraaginnartoqaqqittariaqannginnami, Sten Lund erseqqissaavoq.
”Misissugassat pingaarnerit” immikkoortukkaanut agguaanneqassapput, ukiullu nikinnerani naammassineqareersimassallutik. Suliffeqarfiit minnerit ilaatigut internettimi nassaarineqarsinnaapput.