Suliffeqarfiit internetimik atuinerat sukkassusaallu marloriaatingajammik qaffassinnaalissapput
Akit appartinneqarnissaannut qinnuteqaat Naalakkersuisut akuersissutigereeraallu TELE taama ilisimatitsivoq.
- Immap naqqatigut kabelip atulernerata kingorna atuisutta naatsorsuutigileraluttuinnarsimavaat IP-mik nioqqutitta akiisa annertuumik appartinneqarnissaat. Taamaammat ADSL Premium atuisutsinnut marsimi neqeroorutigaarput, maannalu atuisuvut suliffeqarfiit aamma namminersorlutik ingerlataqartut eqqarsaatigalugit MPLS-imut akinik appaavugut, tamannalu ilutigalugu nioqqutinik nutaanik atuilersitsilluta, TELE-mi pisortaaneq, Brian Buus Pedersen, oqarpoq.
MPLS-imut attaveqarneq Kalaallit Nunaanni suliffeqarfinnut minnerusunut siornatigut akilersinnaasimanngilaq, akinilli appaanikkut suliffeqarfiit amerlanerusut atuilluarsinnaanerulissasut, TELE isumaqarpoq.
Akinik appaaneq, nutaanillu neqerooruteqarneq, atuineq allanngortinnagu, naatsorsuutit malillugit ukiumut 30 millioni koruuninik amerlanernik atuisunit sipaarfiussasoq, TELE naliliivoq. Akit allanngortinneqarnerat arfininngorpat aggustip ulluisa aallaqqaataanniit atuutilissaaq.
