Suliat inaarnissaat kinguaqqittussanngorpoq

Kresten Touborg, Socialistisk Folkepartimeersoq oqarpoq ataatsimiititaliami inerniliinerit pillugit ilaasortat ataasiakkaat partiilluunniit tunuliaqutaasut qisuariaateqanngippata Aningaasarsiorneq inuussutissarsiornerlu pillugit ataatsimiititaliamut suliakkiissutigineqartut inaarneqartutut oqaatigineqarsinnaasut. – Naluarpulli tamattami ataasinngornerup tungaanut qisuariassalluta periarfissaqarpugut, Kresten Touborg oqarpoq nangipporlu: suliattali inerneri Namminersorneq pillugu ataatsimiititaliamut saqqummiussinnaavagut aatsaat qinersereerutta, Isumalioqatigiisitarlu nutaanik inuttalersorneqarataannaammat Namminersorneq pillugu isumalioqatigiisitap suliaminik qaqugu saqqmiussiumaarnersoq nalunarsivoq. – Allatut oqaatigalugu Namminersorneq pillugu isumalioqatigiisitap sulinera unikkallarpoq, Kresten Touborg oqarpoq. Per Ørum Jørgensen, Konservative Folkepartimeersoq oqarpoq qinersisoqalernera Namminersorneq pillugu isumalioqatigiisitap sulineranut qanoq sutigullu kinguneqassanersoq oqaatigiuminaatsoq taamaattumillu qanoq alloriaqqittoqassanersoq Ministeriunerup naalakkersuisullu siulittaasuata isummerfigisariaqassagaat. – Qinersisoqareerpat siulittaasoqarfiup ilaasortallu inuttalersorneqarneri allanngortussaapput taamaattumik juullertinnagu Namminersorneq pillugu isumalioqatigiisitap inassuteqarnissaa qularnarsivoq, Per Ørum Jørgensen oqarpoq.