Suliareqqitassanngortitsineq eqqartuussivimmi ullumi aalajangiivigineqassaaq
17-inik ukiulik John Arpaarti Hans Møller, arnamik 85-inik ukiulimmik toqutsisimasutut ukiut marluk matuma siornatigut eqqartuunneqartup, eqqartuussisunut Vestre Landsretimut suliareqqitassanngortitsinera ullumi suliarineqassaaq.
Allattoq Mads Lynge
juunip 04-at 2009 06:22
Kalaaleq angut inuusuttoq 15-inik ukioqarluni Gerda Møller pinngitsaaleriarlugu Aalborgimi angerlarsimaffiani toquppaa. Aviisimi Nordjyske Stiftstidendemi tamanna atuarneqarsinnaavoq
John Møller, toqutsisimasutut Aalborgip eqqartuussiviani januaarimi eqqartuunneqarpoq, ukiunilu arfineq-pingasuni parnaarussaasussanngortitaalluni. 18-iliineqarsimanngitsut eqqartuunneqartarnerannut atatillugu inatsit naapertorlugu sukannernerpaamik eqqartuunneqarpoq.
Eqqartuussisuserisuata Nicholas Symesip eqqartuussineq suliareqqitassanngorteqqippaa, sivikinnerusumillu parnaarussaaqqassanersoq ullumi aalajangerneqassaaq.
Toqutsisimasutut eqqartuunneqareerpoq, parnaarussaaqqanissaali sivikillisinneqarsinnaassanersoq maanna aalajangivigineqassaaq.
