Sulianut ilungersunartunut piareerput

Kommunini Ilaqutariinni Sullissivinni aamma Qimarnguinni isumaginninnermi sullissisut ilinniaqqissimalerput.

Ilaqutariinni Qimarnguinnilu sulineq sullissisunut piumasaqaateqartorujussuuvoq, suliassallu ilungersunartut Ilaqutariinni Qimarnguinnilu sulisut aaqqiiviginiartarpaat, Ilaqutariinnermut Naalakkersuisoqarfimmit allapput.

Sullissisut inuttut pisinnaaffimminnik qaffassaanissaat pingaaruteqarpoq, taamaalilluni qulakkeerneqassammat sullissisup piviusorpalaartumik suliamullu tunngatitsilluni ersarissumik sulinissaa, sullitaq suleqatillu suleqatigalugit attaveqaqatigiinneq pitsaasoq aqqutigalugu.

Ilinniaqqinnermi uani pingaaruteqartoq tassaavoq pikkorissartut 22-t akiuussinnaanermik quarsaarneq stressernerlu pinaveersaarniarlugit sakkussanik ineriartortitsisussanik tunineqarnissaat.

- Ilinniaqqinnermi peqataasut tassaapput inuit sakkortuunik artornartunillu suliaqartut, suliaallu ulluinnarni annertugaluaqalutik nunatsinni ersarissuunngillat, tarnip pissusaanik ilisimasalik, psykoterapimi immikkut ilisimasalik, Conni Gregersen, isumaginninnermi sullissisut 22-t allagartartaarmata oqarpoq.