Suli piloorput

Naalakkersuisuni illuatungiliuttut oqaatigaat, Naalakkersuisunut isumaqatigiinniarnerit aaqqiissutissaqarfiunngitsut. Isumaqatigiinniarnerit uani sapaatip akunnerata naanerani pigaluarput Naalakkersuisut aallartitaat Omar Suleimann siuttoralugu.

Præsident Hosni Mubarak aaqqiissutissanik arlalinnik qanoq iliuuseqaraluarpoq.

Nunami naalagaanermi nalaani aatsaat siullermeerluni præsidentimut tullersortimik ivertitsigaluarpoq, ministerit arlallit taarsertarluarpai, muamaakkut qatanngutigiinniat, Det Muslimske Broderskab, ulloq manna tikillugu inerteqqutaasut, isumaqatigiinniarnerni peqataatittaraluarpai aamma qinersinermi tullermi qinigassanngortinniarnani neriorsuigaluarpoq, qanorli iliuusai tamarmik manna tikillugu iluaqutaanngillat.

Akerliussutsimik takutitsisut piumasaat aataasiinnaavoq, tassalu Mubarakip tunuarnissaa.

Mubarakip Naalakkersuisunngortitai nutaat siullermeerlutik ullumi ataatsimiilissapput.

Akerliussutsimik takutitsisut naatsorsuutigaat, marlunngorpat tallimanngorpallu Kairomi Tahrir-pladsimi katersuuteqqissallutik.