Suli arlaleriarluni folketingimut qinersisoqartassaaq
Demokraatit tassa taama isumaqarput. Taamatut nalunaaruteqarput, Inuit Ataqatigiit ippassaq nalunaaruteqareersullu nunatta Folketingimut ilaasortaatitaqarnera atorunnaarsikkiartuaarneqartariaqartoq.
- Inuit Ataqatigiit soorunami namminneq aalajangissavaat tullianik folketingimut qinersinissamut qinigassanngortitseqqissanerlutik, uagulli Demokraatini qularutiginngilarput Folketingimi ilaasortaqartuassasugut suli naalagaaffeqatigiinnermut atagallartilluta, Demokraatit tusagassiuutinut nalunaarumminni allapput.
Sulilu ukiorpassuarni naalagaaffeqatigiikkallartussaavugut – nunatta aningaasarsiornikkut nammineerluni ingerlasinnaalernissaata tungaanut, Demokraatit taama erseqqissaapput.