Suleqatigiissitaq nutaamik isumaqatigiissusiorpoq

Nammaqatigiinneq, ersitsuuneq annertunerusumillu namminersorneq tassaapput anguniakkat, Atlantikup avannaani suleqatigiissitami ilaasortat marluusut suleqatigiinnissamik isumaqatigiissummi nutaami anguniagaat.
oktobarip 09-at 2009 12:21

Atlantikup avannaani suleqatigiissitaq, Folketingimut ilaasortamit IA-meersumit Juliane Henningsenimit aamma Høgni Hoydalimit Savalimmiuni Republikanerineersumit ilaasortaqartoq, anguniakkanik Kalaallit Nunaannut Savalimmiunullu tunngassuteqartunik arlalissuarnik ilungersuuteqarpoq.

Suleqatigiissitap ilaatigut Savalimmiut Kalaallit Nunaatalu sila pillugu Københavnimi isumaqatigiinniarnerni ilaatinneqarnissaat, sulissutigaa.

Suleqatigiissitaq 2001-imi pilersinneqarpoq, anguniagaralugulu Kalaallit Nunaata Savalimmiullu Folketingimi sunniiniarnerisa nukittorsarneqarnissaat. Isumaqatigiissutip nutaap atsiorneqarnissaanut atatillugu suleqatigiissitap aamma nittartagaq pilersippaa, tassani suleqatigiissitap Folketingimi suliniutai oqaluttuarineqartassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq