Suleqatigiinnerulernissaq ujartorpaat
Tamanna pillugu iliuuseqarumalluni, Attaveqarnermut naalakkersuisup Kim Kielsenip neriorsuutigaa. Kim Kielsen ima oqarpoq:
- Islandimeeqqammerpunga, suleriaasiallu takuarput. Nammineq kajumissuseq tunngavigalugu annaassiniartarput. Islandi kaajallallugu immikkoortortaqarfiit 70-iupput, saniatigullu 20-t tikillugit amerlassusilinnik angallateqarlutik. Pikkorissartitsiartorluta siornatigut Islandiliartitsisarnikuuvugut, tamannalu suli orniginartippara. Kajumissaarinikkut Islandiliartitsisarsinnaanissarput takorloorpara, periarfisaasariaqarlunilu. Tamassuma aningaasalersorneqarnissaa apeqquterujussuuvoq, kisianni eqaatsumik aningaasalersorneqarsinnaanissaa ujartuiffiginiarparput, Attaveqarnermut naalakkersuisoq Kim Kielsen, Siumumeersoq, oqarpoq.
