Sukkut ima sipaaruteqarfigitigissavatit
20 koruunit tungaanut.
Sukkunut akitsuutit atorunnaarsinneqarmata taama sipaartigisinnaanngorputit.
Akitsuulli atorunnaarsinneqartoq sukkunut honninnginullu taamaallat atuuppoq – assersuutigalugu ullaakkorsiutinut, sodavandinut mamakujuttunullu atuunnani.
Sukkunut akitsuut oqallisaaqisoq novembarip 19-i 2019-mi atuutilerpoq. Aningaasanut inatsimmi amigartooruteqarujussuartussanngornera matussuserniarlugu Inatsisartut taamani pilertortumik suliaqarnerminni akitsuusiinissartik aakuersissutigaat. Akitsuutillu nutaat unnuap-qeqqanut atuutilersinneqarput, tassa akuersissuteqarnermiit akunnialunnguit qaangiuttiinnartut.
Sukkut, mamakujuttut, sikaritsit imigassarlu taamani akiitsuuserneqarput. Akitsuusersuineq nunatta karsiata ukiuni sisamani tulliuttuni ukiumut 45,5 millionit koruunik iluanaarutigisassagaa taamani isumaavoq.
Pisiffimmi, Brugsenimi Pilersuisumilu nioqqutissat tallimat tunineqarnerpaat ataani allattorsimasuni takusinnaavatit. Taakku nioqqutissat maanna akitsuuteqarunnaarput.
| Sioraasat (Dansukker), 2 kiilut | Siullermik: 51,95 koruunit | Massakkut: 31,95 koruunit |
| Sukkut (Hugget Sukker), 500 grammit | Siullermik: 25,95 koruunit | Massakkut: 19,95 koruunit |
| Sioraasat, (Rema 1000 Sukker), 1 kiilu | Siullermik: 29,95 koruunit | Massakkut: 19,95 koruunit |
| Sioraasat seqummarissut (Dansk flormelis), 500 grammit | Siullermik: 25,95 koruunit | Massakkut: 20,95 koruunit |
| Sioraasat kajortut (Brun farin), 500 grammit | Siullermik: 28,95 koruunit | Massakkut: 23,95 koruunit |
| Sioraasat (Dansukker), 1 kiilu | Siullermik: 26,50 koruunit | Massakkut: 16,95 koruunit |
| Sioraasat (Dansukker), 2 kiilut | Siullermik: 49,95 koruunit | Massakkut: 31,95 koruunit |
| Sioraasat seqummarissut (Dansukker flormelis), 500 grammit | Siullermik: 21,95 koruunit | Massakkut: 16,95 koruunit |
| Sioraasat kajortut (Brun farin), 500 grammit | Siullermik: 21,95 koruunit | Massakkut: 19,95 koruunit |
| Sukkut (Hugget Sukker), 500 grammit | Siullermik: 22,95 koruunit | Massakkut: 16,95 koruunit |
Nioqqutissat akitsuutit atorunnaarsinnernerat sioqqullugu qanoq akeqarnerat Pisiffiup paasissutissiissutigerusunngilaa. Akikimili Pisiffimmilu akit nutaat kisiisa paasissutissiissutigineqarput.
| Sioraasat, 2 kiilut | Akiki: 27,91 koruunit | Pisiffik: 29,95 koruunit |
| Sioraasat, 1 kiilut | Akiki: 15,74 koruunit | Pisiffik: 18,95 koruunit |
| Sioraasat seqummarissut (Flormelis) | Akiki: 14,71 koruunit | Pisiffik: 16,95 koruunit |
| Sukkut (Hugget sukker) | Akiki: 16,41 koruunit |
Pisiffik: 17,95 koruunit |
| Ivigarsuarnit sukkuliat akuutissakitsut (Øko rørsukker) | Akiki: 19,76 koruunit | Pisiffik: 21,95 koruunit |
