Sukkortut amerliartorput
Kalaallit inersimasut 8 procentii sukkortuupput 19 procentillu sukkornermik nappaateqaleqqajaallutik.
Peqqissutsimik misissuisarfimmit sukkortut amerliartornerat inuiaqatigiinni pualasuut amerliartornerannik patsiseqarsorineqarpoq.
- Inuiaqatigiinnit piniartuusunit inuiaqatigiit killiit inooriaasiannut ikaarsaariarnermi nerisat allanngorput, timimik atuineq minnerulerluni inuillu pualasuut amerleriarujussuarlutik, Naalagaaffiup innuttaasut peqqissusaannik misissuisarfia taama naliliivoq.
1960-ikkunni Kalaallit Nunaanni sukkorneq nassaassaanngingajappoq. Taamaattumik 1999-imi innuttaasut misissuiffigineqarneranni Kitaani innuttaasut 10 procentii sukkortut paasineqarmat annilaarutigineqaqaaq.
Tamanna tunngavigalugu inuit 2.000-it peqataaffigisaannik nuna tamakkerlugu nutaamik misissuisoqaqqammerpoq. Misissuinikkut sukkornerup atugaanerujussua uppernarsarneqarpoq, aamma sukkornerup utoqqaat akornanni atugaanerunera paasisat ilagaat.