Sukkornermik nappaatilinnik sullissineq pitsaanerulerpoq
Sukkortunik peqqinnissaqarfimmi sullissinerup aaqqissuulluakkamik ingerlanneqalernera tamatumunnga patsisaasinnaasoq, nakorsaq Michael Lynge Pedersen ilisimatusaatigalugu suliniuteqartuusoq oqarpoq.
Tamanna ilutigalugu inooriaatsimik patsiseqartumik sukkornermik, diabetes 2-mik, nappaatillit amerleriaateqarput.
- Ilisimatusarluni misissuinerup nalaani Kalaallit Nunaanni sukkornermik nappaatillit amerleriaateqarnerat, siunissami sukkornermik nappaatilinnik pitsaasumik sullissinissap pingaaruteqassusaanik naqissusiivoq, Michael Lynge Pedersen oqapoq.
Nappaatit anigorneqarsinnaanngitsut allat, aaqqissuulluakkamik sullissinikkut, pitsaanerusumik angusaqarfiusinnaanerat ilimanaateqartoq misissuinerup aamma takutippaa.
Suliniut Kalaallit Nunaat tamakkerlugu sukkornermik nappaatilinnik sullissinermik pitsanngorsaalluni suliniuteqarneq sioqqullugu, tamatumalu kingorna sullissinerup pitsaassusaanik misissuineruvoq.
Ph.d.-inngorniutigalugu ilisimatusaatip illersorneqarnissaa septembarip arfineq-aappaani pissaaq.
