Suiaaqatiminnik atoqateqartartut sakkutuujusinnaanngillat
Isertuunnagu suiaaqatiminnik atoqateqartartut sakkutuujusinnaannginnerannik USA-mi Naalakkersuisut kissaataat taamaalilluni eqqartuussivilersuusseqqinnermi taperserneqarpoq.
Sapaatip akunnerani kingullermi eqqartuussisut aalajangiukkaluarpaat, suiaaqatiminnik atoqateqatartut assuarineqaratik sakkutuujusinnaasut.
USA-mi sakkutuut 1993-mili piutigigaluarpaat oqariartaaseq "Don't Ask Don't Tell". Tassa anguteqatinoortut arnaqatinoortullu sakkutuujusinnaasut suiaassutsiminnik atoqateqartarnertik oqaatiginngippassuk.
1993-mili oqariartaaseq taanna atuutilersinneqarmat, suiaaqatiminnik atoqateqartartut 13.500-t soraarsitaasimapput.
Eqqartuussinikkut tamanna aalajangerneqarani naalakkesuinikkut aalajangerneqartassasoq, præsident Obamap kissaatigaa.
"Don't Ask Don't Tell" atuutsinneqalermalli oqallinneq tamaanga killeqarunanngilaq. Suiaaqatiminnik atoqateqartartut sakkutuujusannginnissaannut inerteqqut qanoq sivisutigissanersoq naliliiffigineqassaaq.
