Haagimi nunat tamat eqqartuussiviannut siullermik suliassanngortinneqarmat, paasissutissanik naammattunik unnerluussisut peqannginnerat pissutigalugu Omar Hassan al Bashiri taamani eqqartuunneqanngitsoorpoq. Taamani aalajangerneq atorunnaarsillugu tassa maanna eqqartuunneqartussanngorunarpoq.
Siullermik eqqartuunneqartussanngoraluarmat tunngavilersuutaasut arfineq - marluusut saniatigut, inuiannik nungusaasimasutut unnerluutigineqarneri ilapput. Siullermilli Haagimi eqqartuussisoqartinnagu paasiniaasartunit aalajangerneqassaaq, ilumut inuiannik nungusaasimasutut eqqartuunneqaatigisassai ilaneqassanersut. Siullermik eqqartuunneqartussanngormat unnerluutaasut ilaatigut ukuupput: Inuiannut pinerlunnerit, sorsunnerup nalaani pinerlunnerit, inuarnerit, naalliutsitsinerit pinngitsaaliillunilu arnerinerit.