Sudanimiut præsidentertik illersorlugu takutitsipput
Nunat tamat peqqusinerannik Sudan-ip præsidentiata Omar al-Bashir-ip tigusarineqarnissaa akerleralugu inuit tuusintilikkaanik amerlassuseqartut Sudan-ip illoqarfiisa pingaarnersaanni Khartoum-imi akerliussutsimik takutitsipput.
Allattoq Lotte Holm
marsip 05-at 2009 08:44
Omar al-Bashir sorsunnermi taamatullu inuiannut peqquserluuteqarsimasutut pasineqarluni ujarneqarpoq. Nunat allamiut qulit ikiuiniaqatigiiffinni sulisut Sudan-imi naalakkersuisuinit anisinneqarsimasut Bashir nalunaarpoq.
Sudan-ip præsidentiata 65-inik ukioqartup Omar Al-Bashir-ip tigusarineqarnissaa Nunat tamat pinerluuteqarsimasunut eqqartuussiviata Haag-imiittup ippassaq peqqussutigaa.
Sudan-ip kippaserinnerusortaani nunap immikkoortuani Dafur-imi ukioq 2003-imili eqqissiviilliornerit aallartimmatali inuit 300.000-it toqutaapput, naalagaaffiit peqatigiinni atorfilik oqarpoq.
Inuit 2,7 milliuunit Sudan-imi qimarrapput, imaluunniit
Sudanip sanilerisaanut naalagaaffimmut Tchad-imut qimarrallutik.
