Aallarnisaasut suliffinnik pilersitsisinnaasut
Aallarnisaasut suliffinnik pilersitsisarmata, nunallu aningaasaqarniarneranut iluaqutaasinnaammata tamanna aallunneqarnerulernissaanut atuarfeqarfinni ilinniartitsissutaasariaqarpoq. Nunat Avannarliit Ministeriisa Siunnersuisoqatigiiffiat taama naliliivoq.
AAMMA ATUARUK Aallarnisaasup Inatsisartunit tapersersorneqarnissani neriuutigaa
Nunatsinni inuusuttut akornanni suliffissaaleqisoqarnera, ilinniartitaanerup ataatsimut isigalugu qaffasippallaannginnera, inuusuttullu nunamut allamut nuuttartut amerlanerat pissutaalluni aallarnisaaniarneq
Siunnersuisoqatigiiffiup Aningaasaateqarfiullu allaaserisaat naapertorlugu nunatsinni killeqarpoq.
Atugarissaarnerunissaq aningaasarsiornerlu qaffassarneqassappat aallarnisaaniarneq pillugu atuarfinni ilinniarfinnilu ilinniartitsissutaasariaqaraluartoq nalunaarusiami ilaatigut inerniliunneqarpoq.
Tassa imaappoq: Kalaallit Nunaata aallarnisaaniarneq ilinniartitsissutigisariaqaraluarpaa, aallarnisaasut siunissami amerlanerulerniassammata, Nunat Avannarliit Ministeriisa Siunnersuisoqatigiiffiata nalunaarusiami allaaseraa.
AAMMA ATUARUK Aallarnisaasup raajanik ammaloqisaaliaanik kunngikkormiut piseqqaartuusut
