Alaska Nunap 8,2-mik sakkortussusilimmik sajorujussuarnera tassaarsuaqartitsisinnaasoq
Alaskap kujataani qeqertap Kodiakkip kujataata-kangisissuani 250 kilometerisut ungasitsigisumi nuna richterip uuttuutaa malillugu 8,2-mik sakkortussuseqartumik sajuppoq.
Tassaarsuaqarsinnaaneralu USA-mi ujarassiornermut paasisimasallit aarlerisaarutigaat.
Nuna 10 kilometerisut ititigisumi nunatsinni nalunaaqutaq 6:31 sajuppoq.
Aarlerisaaruteqarfiusuni najugaqartut najugaqarfimminni oqartussanit ilitsersuunneqarnissamik tungaanut qatsissumukarnissaannik oqartussanit kaammattorneqarput.
Alaskap Canadallu ilaani tassaarsuaqarsinnaaneranik aarlerisaarisoqarpoq. Amerikap kimmut sineriaani nakkutiginninnerusoqarnissaa aamma kalerriutigineqarpoq.