Illoqarfiit pingaarnersaanni anorersuaq
![](/sites/default/files/styles/image_934x467/public/article_images/polsevogn-slaet-itu-af-vinden.jpg?itok=6ftRb9lE)
![](/sites/default/files/styles/image_934x467/public/article_images/vandledning_nukissiorfiit.jpg?itok=vQM_GoHK)
- Anorlertorujussuunera pissutaalluni illup qalianit atuarfiup eqqaanut teqqaasoqarpoq, tamannalu pissutaalluni Nuussuup Atuarfiata eqqaata angallaffiunissaa ulorianarluinnartoq.
- Qaliap teqqarfiata eqqaa maanna assersorneqaleruttorpoq. Assersukkap ataqqineqarnissaa pingaaruteqartupilussuuvoq, tamaanimi angalanissaq ulorianartupilussuartut politiinit nalilerneqarpoq mianersoqqussutigineqarlunilu.
Nuup ilaani Pukuffimmi containeri anorimit Nukissiorfiit imermut aqqutaanut ullaaq anorimit uppisinneqarpoq.
Erngup aqqutaa ajoquserneqangaatsiarpoq, attavileqqinnissaanullu akunnerpaaluit utaqqisariaqassasoq, Nukissiorfiit Facebookiminni paasissutissiipput.
Nukissiorfiit illoqarfimmi entreprenørit suleqatigalugit Nuussuup imermik pilersorneqarnera iluarsiniarlugu maanna sulissuteqarput, oqaatigisinnaanngikkallarluguli qaqugu innuttaasut imermik pilersorneqaqqilissanersut.